ԵՐԵՎԱՆ, 9 սեպտեմբերի. /Նովոստի-Արմենիա/. Վլադիկավկազի կենտրոնական շուկայում տեղի ունեցած պայթյունի հետևանքով չորս մարդ է մահացել, վիրավորների թիվը «չափազանց շատ» է, ՌԻԱ Նովոստիին է հայտնել Հյուսիսային Օսեթիայի Դատախազությանն առընթեր հետաքննական կոմիտեի հետաքննչական վարչության ներկայացուցիչը: Մեծ թվով վիրավորների մասին են խոսում նաև շուկայի մոտ գտնվող միլիցիոներները:

Ինչպես հաղորդում է ՌԻԱ Նովոստիի թղթակիցը, միլիցիայի աշխատակիցները մարդկանց տանում են, որքան հնարավոր է, շուկայից հեռու՝ բացատրելով, որ հնարավոր է՝ նաև երկրորդ պայթյուն լինի: Շուկայի վրա ծուխ է տարածվել:

Վերջին տվյալներով՝ պատահարը տեղի է ունեցել շուկայի կենտրոնական մուտքի մոտ: Ավտոմեքենա է պայթել: Այս շուկան Վլադիկավկազի ամենամարդաշատ վայրերից է:

1999թ. մարտին այդ շուկայում, որոշ տվյալներով, համարյա նույն տեղում արդեն իրականացվել էր ահաբեկչություն: Պայթյունի հետևանքով մահացել էր 50, վիրավորվել ավելի քան 300 հոգի:

2008թ. նոյեմբերին շուկայի մոտ գտնվող կանգառում երթուղային տաքսի էր պայթել: Հետաքննության տվյալներով՝ պայթուցիկ սարքը գործարկել էր մահապարտ-ահաբեկչուհին: Պայթյունի հետևանքով մահացել էր 12 (ներառյալ՝ ահաբեկիչը), տարբեր աստիճանի վնասվածքներ ստացել շուրջ 40 հոգի:-0-