SELECTORNEWS
05:07
26/11/2014





 Partners:

  «ARKA»

  «Telecom-ARKA»

  MediaGid

  Նովոստի - Արմենիա

  ARKA Style

  ArmBanks
ՁԻԱՀ-ի դեմ պայքարի օրվա շրջանակներում դեկտեմբերի 1-ին միջոցառումներ կանցկացվեն Հայաստանում
15:27 | 30/ 11/ 2010

ԵՐԵՎԱՆ, 30 նոյեմբերի. /Նովոստի-Արմենիա/. Երևանում և ՀՀ մարզերում դեկտեմբերի 1-ին մի շարք միջոցառումներ կանցկացվեն, որոնք նվիրված են ՁԻԱՀ-ի դեմ պայքարի համաշխարհային օրվան, «Նովոստի-Արմենիա» գործակալությանը հաղորդեցին ՄԱԿ-ի երևանյան գրասենյակից։

Միջոցառումները տեղի կունենան գենդերային բռնության դեմ պայքարի տասնվեցօրյակի շրջանակներում, որն իրականացվում է ՄԱԿ-ի բնակչության հիմնադրամի, USAID «ՆՈՎԱ-2» ծրագրի, World Vision Armenia կազմակերպության, Տուֆենկյան հիմնադրամի և կանանց իրավունքների պաշտպանման հարցերով զբաղվող մի շարք հասարակական կազմակերպությունների  նախաձեռնությամբ՝ Աշխատանքի և սոցիալական հարցերի նախարարության աջակցությամբ։ 16-օրյակը մեկնարկել է նոյեմբերի 25-ին և կավարտվի դեկտեմբերի 10-ին՝ Մարդու իրավունքների պաշտպանության միջազգային օրը։

ՁԻԱՀ-ի դեմ պայքարի միջոցառումների շրջանակներում Երևանում տեղի կունենա տվյալ թեմայով գրքի շնորհանդես, ՄԱԿ-ի բնակչության հիմնադրամի երիտասարդ անդամների մասնակցությամբ թատերական բեմադրություն կկազմակերպվի, դպրոցականների միջև «բաց դասեր» և բրեյն-ռինգ ինտելեկտուալ խաղեր են ծրագրված։

Ակցիաներն ու սեմինարները, ինչպես նաև սոցիալական տեսանյութերի ցուցադրումը ծրագրված են նաև ՀՀ մարզերում։ -0-

  Рейтинг@Mail.ru   Rambler's Top100       © 2005, ԱՄԻ «Նովոստի - Արմենիա»