ԵՐԵՎԱՆ, 10 սեպտեմբերի. /Նովոստի-Արմենիա/. Հայաստանում ՌԴ արտակարգ և լիազոր դեսպան Վյաչեսլավ Կովալենկոն Վարդենիս քաղաքի N4 միջնակարգ հանրակրթական դպրոցին սարքավորման հավաքածու է փոխանցել ռուսաց լեզվի ինտերակտիվ ուսուցման համար։
փոխանցումը տեղի է ունեցել GeoProMining ռուսական ընկերության կողմից Վարդենիսի Մշակույթի տան վերականգնման համար 108 մլն դրամ տրամադրելու մասին համաձայնագրի ստորագրման արարողության ժամանակ։
Տվյալ ակցիան իրականացվել է GeoProMining ընկերության խմբի, ՌԴ դեսպանատան և Ռոսսոտրուդնիչեստվո ներկայացուցչության նախաձեռնությամբ։
«Թող այս դպրոցում սովորող տղաներն ու աղջիկները ռուսաց լեզու սովորեն։ Դեռ ոչ մեկին դա չի վնասել։ Թող նրանք հիանալի տիրապետեն հայոց լեզվին և լավ իմանան ռուսաց լեզուն և ռուսական մշակույթը»,- ասաց դեսպանը։ -0-
