ԵՐԵՎԱՆ, 10 հունիսի./Նովոստի-Արմենիա/. Տարեց մի տղամարդ է կախվել Ստեփանավան քաղաքում գտնվող սեփական տան տանիքում, հինգշաբթի «Նովոստի-Արմենիա» գործակալությանը հաղորդեցին ՀՀ ԱԻՆ Փրկարար ծառայությունից:
«Նախօրեին երեկոյան Ստեփանավան քաղաքի բնակիչ Ա. Մինասյանից ստացված ահազանգի համաձայն` իր պապը՝ 72-ամյա Իգոր Մինասյանը, շենքի տանիքում կախվելու միջոցով ինքնասպան է եղել»,- հաղորդեցին Փրկարար ծառայությունից:
Լոռու մարզային փրկարարական վարչության փրկարար ջոկատի օգնությամբ տղամարդու դին իջեցվել է տանիքից և հանձնվել ոստիկանության աշխատակիցներին:
Միջադեպի մանրամասները չեն հաղորդվում: -0-
