ԵՐԵՎԱՆ, 11 մարտի. /Նովոստի-Արմենիա/. Հայաստանի Ազգային անվտանգության ծառայությունը դեղորայքի հետ կապված մեքենայություններ է բացահայտել, գրում է «Հրապարակ» թերթը:
Ըստ թերթի, դեղորայքի ոլորտում կատարվել են զանգվածային հանցագործություններ և արդեն կան ձերբակալվածներ:
Որոշ դեղատների աշխատակիցներ փոխել են ժամկետանց դեղորայքի պիտակները և շարունակել են վաճառել դրանք:
Այս հանցագործությունը եղել է զանգվածային և, ամենայն հավանականությամբ, կազմակերպված բնույթ կրել: Հայտնի է, որ ձերբակալությունները շարունակվելու են նաև առաջիկա օրերին, սակայն պաշտոնական աղբյուրները այս տեղեկատվությունը դեռ չեն հաստատել:-0-
